LASING, NABANGGA NG VAN, PATAY

Patay ang isang 53-anyos na lasing matapos mabangga ng van bandang alas-10:00 kagabi sa Poblacion, Altavas.

Bagama’t hindi na pinangalanan ng Altavas PNP ang biktima, nagpaunlak naman ng panayam ang driver ng van na si Khen Flores, 28-anyos at kasalukuyang residente ng Tigayon, Kalibo.

Base sa imbistigasyon ng pulisya, naglalakad pauwi ang biktima nang aksidenteng mabangga ng van na papunta naman noon ng Kalibo.

Kaagad isinugod sa Altavas Hospital ang biktima subalit kinailangan din iton ilipat  sa isang ospital sa Kalibo. Sa kabila nito, binawian din ng buhay ang biktima sanhi ng tinamon nitong malubhang pinsala sa ulo.

Kasalukuyan namang nasa kostudiya ang driver ng van para sa karampatang disposisyon.

Samantala, sinabi naman ng driver na sinubukan niyang iwasan ang biktima nang magawi ito papunta sa kanya, subalit nabangga niya parin ito nang iwasan naman niya ang kasalubong na sasakyan.