LGU employee na natimbog sa drug buy bust nitong Biyernes, nagpositibo sa drug test

Nagpositibo sa paggamit ng droga ang isang LGU Employee sa Kalibo na natimbog sa drug buybust operation nitong Biyernes sa Brgy. Tinigaw, Kalibo.

Batay ito sa inilabas na resulta ng crime lab sa Capiz matapos itong isailalim sa drug test.

Matatandaang, nabilhan ang suspek na si Niño Joy Inguillo ng isang sachet ng suspected shabu kapalit ng P1,500 na buy bust money at nakuhaan pa ng dagdag na 15 sachet ng droga pag body search.

Itinuturing din si Inguillo ng mga otoridad na High Value Individual dahil isa itong empleyado ng gobyerno.

Samantala, nakatakda itong i-inquest ngayong araw  sa piskalya para harapin ang kasong paglabag sa section 5 (selling), section 11 (possession), at section 15 (using) ng  RA 9165 o Comprehensive Dangerous Drugs Act of 2002.