LGU employee tiklo sa drug buy bust ops

Timbog sa isinagawang drug buy bust operation ng mga operatiba ang isang government employee sa Barangay Tinigaw, Kalibo nitong Biyernes.

Kinilala ang suspek na si Joy Niño Inguillo, 43 anyos at residente ng Crossing Buswang, Kalibo.

Si Inguillo ay nabilhan ng isang sachet ng suspected shabu kapalit ng P1,500 na buy bust money.

Samantala, sa isinagawang body search, nakuha pa sa bulsa ng suspek ang dagdag na 15 sachet ng suspected shabu na nakalagay sa kahon ng posporo.

Dahil dito, si Inguillo ay mahaharap sa kasong paglabag sa RA 9165 o Comprehensive Dangerous Drugs Act of 2002.