Linds Dry Good Store sa Roxas Avenue nasunog

Sumiklab ang sunog sa Linds Dry Good Store sa may Roxas Avenue, Brgy. Poblacion, Kalibo dakong alas-9:30 kagabi.

Batay sa isang tricycle driver na saksi, nakaparada sila malapit sa nasabing establisyemento nang sumigaw ang isa nilang kasama na may mga usok na lumalabas sa kisame ng Linds.

Sinilip nila ang establisyemento at nakitang malaki na ang apoy na nagmumula sa counter ng cashier.

Agad naman silang tumawag sa mga otoridad na mabilis na nagresponde at pinasok ang establisyemento.

Mabilis din umanong naapula ang apoy kaya tinatayang nasa 40-50% lang ang nasunog.

Sa kasalukuyan, inaalam pa ng mga Fire Marshalls ang sanhi ng sunog at ang kabuuan halaga ng pinsala.