Lolang halos isang buwan nang nawawala, naagnas na bangkay na nang matagpuan sa sapa

Naaagnas na ang bangkay ng isang lolang halos isang buwan nang nawawala nang makita ito kagabi sa Sitio Bili, Barangay Pudiot, Tangalan, Aklan.

Kinilala ang biktima na si Nelly Baarde, 76 anyos at residente ng nasabing lugar.

Ayon sa imbestigasyon ng Tangalan Municipal Police Station nakita ang bangkay ng lola dakong alas-8 kagabi habang nangingisda ang isa sa mga apo nito.

Napansin nitong may tila isang nakadapang tao sa may sapa kaya agad niya itong nilapitan at napag-alamang ito ang kanyang lolang nawawala.

Napag-alaman na may sakit na dementia o makakalimutin ang biktma.

Matatandaang nawawala si Baarde noong Nobyemre 11 ng umalis ito sa kanilang bahay at hindi na nakauwi.