Lolo na may sakit sa puso, patay matapos malunod sa palaisdaan

Nakalutang na ang isang lolo nang madatnan ng ilang mga residente sa isang palaisdaan sa Brgy. Tagbaya, Ibajay kahapon.

Kinilala ang biktima na si Elpidio Yacub Jr., 60-anyos na residente ng naturang lugar.

Batay sa imbestigasyon ng mga otoridad, caretaker umano ng naturang palaisdaan ang biktima.

Sinasabing, nakita nalang ng ilang residente na nakalutang na ang katawan nito sa binabantayang palaisdaan.

Dinala pa ito sa ospital ngunit ideneklarang dead on arrival.

Wala naman umanong foul play sa nangyari at pinaniniwalaang inatake ito ng sakit sa puso tsaka nahulog sa palaisdaan na nagdahilan ng kaniyang pagkalunod at pagkamatay.