LOLO, PATAY NANG BARILIN HABANG NAGLALAKAD PAPUNTANG SIMBAHAN SA BRGY. ROSARIO, MALINAO

DEAD-ON-SPOT ang isang senior citizen nang barilin sa gilid ng daan kaninang alas-7:58 ng umaga sa Brgy. Rosario, Malinao.

Kinilala ang biktimang si Nonito Salvador Nam-ay, 62 anyos, ng Sitio Fatima, Brgy. Bulabod, Malinao.

Sa paunang imbestigasyon, lumalabas na naglalakad papuntang simbahan ang biktima nang bigla na lamang itong nilapitan at binaril ng di kilalang suspek.

Tinamaan ang biktima sa binti at kaliwang dibdib na naging dahilan ng kanyang agarang pagkamatay.

Sa ngayon patuloy ang ginagawang manhunt operation at imbestigasyon para matukoy kung sino ang salarin na mabilis na tumakas pagkatapos ng krimen at kung ano ang motibo nito sa pagpatay sa biktima.