Lolong nakatayo sa tabi ng kalsada, patay matapos masalpok ng motor

Patay ang lolong nakatayo sa tabi ng kalsada makaraang masalpok ng isang motorsiklo sa Brgy. Cawayan, New Washington nitong Linggo.

Kinilala ang biktimang si Rodrigo Somongsong, 68 anyos, residente rin ng Brgy. Cawayan na nagtamo ng mga pinsala sa ulo, tuhod at iba pang bahagi ng katawan.

Samantala, isinugod din sa ospital ang driver ng motor na si Richard Martesano, 53, ng Ochando, New Washington, pero agad din itong nakalabas ng pagamutan.

Sa ulat, naganap ang aksidente dakong alas-9:00 kahapon, Pebrero 5 at dakong ala-una naman ng hapon binawian ng buhay sa ospital si Somongsong.

Ayon sa pulisya, handang makipag-areglo ang pamilya ng biktima sa driver ng motor.