LTO Ibajay Branch pormal nang binuksan sa publiko

Binuksan na ang ikalawang opisina ng Land Transportation Office (LTO) sa Aklan sa bayan ng Ibajay nitong  Sabado, Oktubre a-8.

Ayon kay LTO Ibajay Branch Transportation District Officer Felina Macabales, nagsimula na silang tumanggap ng mga transaksyon tulad ng renewal ng driver’s license (non-professional and professional), renewal ng registrations at pag-isyu ng student permit dalawang araw bago pormal na inagurahan ang kanilang bagong  opisina.

Bagamat nagsimula nang mag-operate, limitado pa ang kanilang  serbisyo dahil sa Oktubre  17 pa magiging available ang kanilang smoke emission test at medical test.

Inihayag din niya na totally closed na ang LTO branch sa Caticlan at tuluyan na itong inilipat sa Ibajay.

Dumalo sa nasabing inagurasuyon sina Cong. Ted Haresco, LTO Regional Director Eric Lenard Tabaldo, CESO IV, Atty. Gaudioso Geduspan II, Assistant Regional Director at former governor Florencio Miraflores. /MAS