Mag-amang nakamotor, sinapul ng bato nang biglang mag-landslide sa Nabas

Naospital ang isang ama matapos tamaan ng bato mula sa gumuhong lupa ang motorsiklong sinasakyan nila ng kanyang anak sa bayan ng Nabas.

Kinilala ang biktimang si Nimrod Garcia, 46 anyos na residente ng Brgy. Dumga, Makato.

Sinasabing mula sa Caticlan ang biktima sakay ang kanyang anak nang mangyari ang aksidente sa Brgy. Habana.

Hindi na umano nakaiwas ang biktima sa isang batong nahulog nang biglang maglandslide habang dumadaan sila sa lugar.

Dahil dito, nayupi ang motor na sinasakyan nila ng kanyang anak. Nagtamo rin siya ng mga gasgas, sugat at bali sa kanang kamay.