Mag-inang nahuli sa buy bust ops sa Kalibo, nag-negatibo sa drug test

NEGATIBO ang naging resulta ng drug test ng mag-inang nahuli sa buy-bust operation sa New Buswang, Kalibo nitong Huwebes.

Matatandaang nahuli ang mag-ina sa pinagsanib na puwersa ng Provincial Drug Enforcement Unit Aklan at Kalibo PNP kung saan nabilhan ang mga ito ng isang sachet ng shabu kapalit ng P40,000 na buy-bust money.

Narekober din ang 3 pang sachet matapos na halughugin ang kanilang bahay sa bisa ng search warrant.

Ayon naman kay PMaj. Jerome Manahan, OIC Chief ng PDEU-Aklan, kahit na nag-negatibo ang mga ito sa drug test ay positibong droga naman ang mga nakuha sa kanila.

Dahil dito, kakaharapin ng mag-ina ang kasong paglabag sa RA.9165 o Comprehensive Dangerous Drugs Act of 2002.