Mag-jowa, naaksidente dahil sa aso

Dahil umano sa biglang tumawid na aso sa kalsada, kapwa sugatan at dinala sa ospital ang isang rider at kanyang angkas sa motorsiklo matapos maaksidente alas 8:30 kagabi sa highway ng Estancia, Kalibo.

Nakilala ang mga biktimang mag-jowa na sina Richmark Manlapaz, 20 anyos, at Nicole Joy Macabales, 18 anyos, kapwa residente ng Tigayon, Kalibo.

Base sa imbestigasyon ng Kalibo PNP, nagmomotorsiklo noon ang dalawa papuntang Banga, nang mabangga nila ang asong biglang tumawid sa kalsada.

Sanhi nito, nag-crash sa kalsada ang motorsiklo, rason din ng mga tinamo nilang sugat at pinsala sa katawan Kaagad silang dinala sa ospital ng mga taga MDRRMO Kalibo kung saan sila patuloy na ginagamot.