Mag live-in partner kulong matapos magbenta ng droga

Arestado ang mag live-in partner matapos ang isinagawang buy-bust operation kahapon ng tanghali sa Laguinbanwa East, Numancia Aklan.

Kinilala ang mga suspek na sina Chrismar Pateno, 25 anyos ng New Buswang Kalibo at Rosalie Reynaldo, 18 anyos ng Andagao Kalibo.

Inaresto ang dalawa sa kanilang boarding house matapos magbenta ng 6 na sachet ng hinihinalang shabu kapalit ng anim na libung piso na buy-bust money.

Napag alaman na matagal na diumanong nasa watchlist si Pateno ng mga kapulisan.

Isinagawa ang nasabing operasyon ng PDEU Aklan at Numancia PNP.

Mahaharap ang dalawa sa kasong paglabag sa R.A 9165 o ang Comprehensive Dangerous Drugs Act of 2002.