Magkapatid ba top 2 at 3 na wanted person sa Aklan, arestado

Napasakamay na ng mga otoridad ang magkapatid na sina Rion Inggo 23 anyos at Josan Inggo 30 anyos ng Rosal, Libacao, Aklan na itinuturing na Top 2 at Top 3 most wanted person sa probinsya ng Aklan.

Unang nadakip si Rion Inggo ng mga kapulisan alas 9:45 kagabi sa Barangay Paningayan, Madalag matapos iserbe ang kanyang warrant of arrest sa kasong murder.

Alas-10 kagabi inaresto din si Josan Inggo sa Balactasan, Madalag matapos iserbe ng mga kapulisan ang kanyang warrant of arrest sa kapareho din na kaso.

Walang inerekomendang pyansa sa magkapatid para sa kanilang pansamantang kalayaan.

Sa ngayon ay naka kulong na sa Madalag Municipal Police Station ang dalawa para sa karagdagang disposisyon.

Ang nasabing operasyon ay ikinasa ng Madalag Pnp at 1st Aklan Mobile Force Company.