Magkapatid sugatan sa pananaga

Sugatan ang magkapatid matapos tagain sa Barangay Agmailig, Libacao, Aklan noong Sabado ng hapon.

Kinilala ang mga biktima na sina Ednol Nervar, 40 anyos at Edward Nervar, 30 anyos habang nakilala naman ang suspek na si Martin Catalon, 54 anyos ng nasabing lugar.

Ayon sa imbestigasyon ng Libacao Pnp magkasamang nag-inuman ang tatlo ng may namagitang diskusyon sa kanila hanggang sa kumuha ng itak ang suspek at tinaga ang magkapatid  na nagtamo ng sugat sa kanilang mukha at braso.

Naawat naman ito ng ilang residente sa lugar.

Dinala sa provincial hospital ang mga biktima at ngayon ay nagpapagaling na.

Arestado naman ang suspek ng mga Kapulisan pero nagkasundo ang magkabilang panig na hindi nalang sasampahan ng kaso si Catalon.