Magpamilyang sakay ng topdown mula sa outing, bumangga sa wingvan; drayber ng topdown, patay

Patay ang driver ng topdown habang sugatan naman ang mga sakay nito matapos na bumangga sa kasalubong na wingvan sa Libertad, Nabas dakong alas-2:40 nitong Linggo.

Napag-alaman na nag-outing sa isang cold spring sa Brgy. Laserna, Nabas ang mga sakay ng topdown na dalawang lalaki at dalawang babae na pawang menor de edad na minamaneho naman isang 36-anyos na lalaking nasa impluwensya ng nakalalasing na alak.

Sinasabing, pauwi na sana sa Caticlan ang mga ito ng mag-overshoot sa daan at dumeretso ng salpok sa kasalubong na wingvan.

Dahil sa aksidente, sugat sa ulo ang tinamo ng driver ng topdown na isinugod pa sa Ibajay District Hospital ngunit agad idineklarang dead on arrival.

Sugatan rin ang apat nitong sakay ngunit nakalabas naman agad sa ospital.

Samantala, ikinustodiya ang driver ng wingvan  sa Nabas Municipal Police Station ngunit nakatakda namang i-release matapos na magka-areglo.