MAYOR LACHICA NAGNEGATIBO SA SWAB TEST, ISANG ANAK DINAPUAN NG COVID-19

Negatibo ang naging resulta ng RT-PCR test ni Kalibo Mayor Emerson Lachica at pito pang miyembro ng kanilang pamilya.

Sa panyam ng Radyo Todo sa alkalde, sinabi nito na sumailalim sila sa swab test noong Lunes matapos na ma-expose sa kanyang anak na dinapuan ng sakit.

Nagpositibo aniya sa COVID-19 ang katrabaho ng kanyang anak sa GSIS at nahawaan ito.

Kung kaya’t, nitong Lunes ay kinuhaan ng swab sample ang 7 miyembro ng kanilang pamilya at lahat ay negatibo sa RT-PCR.

Sa ngayon ay naka-confine aniya ang kanyang anak sa ospital pero nasa maayos naman itong kalagayan.

Sinabi rin ng alkalde na hindi na nadagdagan ang mga empleyado sa munisipyo na nagpositibo sa COVID-19 pero hanggang ngayon ay naka-skeletal force pa rin sila.