MAYOR LACHICA, NASA PANDEMYA ANG ATENSYON, HINDI SA ELEKSYON

Pokus muna sa ngayon si Kalibo Mayor Emerson Lachica na labanan ang kinakaharap na pandemya at hindi sa nalalapit na halalan.

Ayon kay Mayor Lachica na sa ngayon ay hindi pa importante na makumpleto ang “line-up” ng kanyang partido dahil maaari naman itong gawin at kumpletuhin bago ang Oktubre 1 ng kasalukuyang taon.

Pahayag pa nang alkalde na mas pina-igting pa nila ang kanilang trabaho upang malabanan ang COVID-19 at maging “zero case” na bayan ng Kalibo at buong probinsiya ng Aklan.

Mahigpit rin aniya ang pagpapatupad nila ng “health protocols” gayundin ang paglimita ng mga papasok sa Kalibo.