MGA TURISTA MULA SA BORACAY, PWEDE NANG MAG SIDETRIP SA MAINLAND MALAY KAHIT WALANG RT-PCR TEST

Pinapayagan na ngayon na mag sidetrip sa mainland Malay ang mga turista sa Boracay.

Ito ay nakabatay sa Executive Order No 01-B, Series of 2022 ng LGU Malay kahapon, Pebrero 22.

Base sa EO maaari nang makapasyal sa mainland Malay ang mga turista kahit walang RT-PCR test results.

Kailangan lang nila na pumirma ng health declaration form sa Municipal Tourism Office at magpakita ng vaccination card o anumang patunay na sila ay bakunado laban sa COVID-19.

Simula Pebrero 1 hanggang Pebrero 20, may kabuuang 47, 908 na mga turistang bumisita sa Boracay at 163 sa mga ito ay mga dayuhan.