Most wanted person nag-birthday sa kulungan matapos mahuli sa kanya mismong kaarawan

Nagdiwang ng kanyang kaarawan sa kulungan ang most wanted person sa Libacao na nahuli kahapon sa Brgy. Caratagan, Calinog, Iloilo.

May kasong murder ang akusadong si Jonito Bayoyo na top 3 most wanted person sa municipal level, top 7 sa provincial level at top 8 sa regional level.

Inaresto si Bayoyo sa pamamagitan ng warrant of arrest na pirmado ni Hon. Ronald H. Exmundo, Acting Presiding Judge Br. 7, RTC-6 Kalibo, Aklan.

Walang piyansang inirekomenda ang korte para sa kanyang pansamantalang kalayaan.

Napag-alaman ng Libacao PNP na kaarawan ng akusado sa mismong araw ng kanyang pagkaaresto kaya binigyan nila ito ng cake.