Motor, ninakaw at inabandona sa Madalag

Inabandona ng hindi pa nakikilalang indibidwal ang isang motorsiklo sa Brgy. Paningayan, Madalag.

Pinost ng isang concerned citizen ang motor na sinasabing tatlong araw na umanong iniwan sa tulay.

Kaugnay nito, minabuti rin nila na ireport ito sa Madalag PNP para malaman kung sino ang may-ari.

Samantala, may nakakita naman sa nabanggit na post at kinumpirma na pagmamay-ari pala ni Jerry Robelo ng Linabuan Sur, Banga ang motor na sinasabing  ninakaw nitong Miyerkules.

Sa ngayon ay nagpapatuloy ang imbestigasyon ng mga otoridad para matukoy ang salarin.