Motorista at biker, sugatan matapos magbanggaan

Parehong dinala sa ospital ang motorista at isang biker matapos na magbanggaan hapon nitong Miyerkules sa Brgy. Libas, Banga.

Kinilala ang motorista na si Wilfredo Rabanes, 51-anyos, habang ang biker naman ay 16-anyos na residente ng Barangay Tabayon.

Batay sa report ng Banga PNP, mula sa Pob. Banga ang biker at nang makarating sa may crossing ay akma na sana itong papasok patungong Brgy. Tabayon nang bigla nitong nakasalpukan ang motoristang palabas naman ng highway.

Kapwa natumba ang dalawa at nagtamo ng mga sugat sa ulo, mukha at iba pang bahagi ng katawan ang motorista habang galos naman sa bahagi ng tuhod ang tinamo ng biker na agad ding dinala sa ospital para sa agarang pagpapagamot. via Rhealyn Ortega