Motorista na bumangga sa kasalubong na traysikel, patay

Ibajay, Aklan – Dead on the spot ang isang motorista matapos aksidenteng bumangga ang motorsiklo sa kasalubong na traysikel kanina alas 7:45 ng umaga sa Brgy. Naisud, Ibajay.

Nakilala ang biktima na driver ng motor na si Earl Jude Barrera Iguin, 22 anyos residente ng Brgy. Tamalagon, Tangalan, samantala nakilala naman ang driver ng traysikel na si Raul Oren Robles, 57 anyos residente ng Brgy. Regador, Ibajay.

Base sa imbestigasyon ng Ibajay Pnp galing ang biktima sa kanilang bahay at papunta na sanang trabaho sa Poblacion, Ibajay ng makabanggaan si Robles na galing sa Brgy. Naisud at papauwi na rin sana.

Nag overtake umano si Iguin sa sasakyang nasa unahan nito ngunit aksidenteng bumangga sa kasalubong na traysikel.

Sa lakas ng salpukan tumalsik ang biktima sa kanyang motor.

Nagtamo ng patal na sugat sa ulo si Iguin na naging sanhi ng kanyang agarang pagkamatay.

Samantala dinala naman si Robles sa ospital dahil nagtamo din ito ng mga sugat sa iba’t ibang parte ng kanyang katawan.

Sa ngayon patuloy pa ang isinasagawang imbestigasyon ng Ibajay PNP may kaugnayan sa naturang insidente.