Motorista na nabangga ng kapwa motorista, naputulan ng daliri

Boracay – Naputol ang isang daliri ng isang motorista matapos banggain ng isang motorsiklo na minamaneho ng isang menor de edad kahapon sa So. Bubon, Manocmanoc, Boracay.

Nakilala ang biktima na si Diosdado Fernando, 58 anyos, residente ng Brgy. Manocmanoc, Boracay.

Ayon sa salaysay ng biktima galing siya sa Sitio Bubon ng makasalubong nya ang isang motorsiklo at bigla siyang binanggan nito.

Iniwas niya umano ang kanyang manibela rason na tumumba siya sa kalsada.

Agad na isinugod sa Aklan Provincial Hospital ang biktima at hinihintay na lamang ang operasyong isasagawa sa kanyang daliring naputol.