Motorista patay matapos makabangaan ang nakasalubong na motorsiklo

Malinao – Patay ang isang motorista matapos maaksidente sa kanyang minamanehong motorsiklo mga dakong alas 7:30 kagabi sa Brgy Banay-banay, Malinao, Aklan.

Nakilala ang biktimang si Victorino Ibutnande, 38 anyos at residente ng Brgy. Liloan, Malinao.

Ayon kay PEMSgt. Michael Inaudito ng Malinao PNP na habang nagmamaneho ng motorsiklo si Ibutnande papuntang Poblacion, Malinao, nakabanggaan nito ang kasalubong na motorsiklo na minamaneho naman ni Cris Villaresto, 25 anyos na pauwi naman sa Brgy. Liloan, Malinao.

Dahil sa lakas ng impact ay nagtamo ng sugat ang mga biktima at kaagad dinala sa ospital ng MDRRMO at BFP Malinao.

Pero idineklara ang biktimang dead-on-arrival sa ospital.

Sa ngayon ay nagpapatuloy pa ang imbestigasyon Ng Malinao pnp sa nasabing insidente.