MOTORISTA PATAY MATAPOS MAKABUNDOL NG ASO

Binawian ng buhay ang isang rider ng motorsiklo matapos makabundol ng aso.

Papunta sana sa New Buswang, Kalibo ang biktimang si Dennis Pagayon, 49 anyos, residente ng Ibao, Lezo nang mangyari ang aksidente nitong Sabado, alas-9:00 ng gabi.

Sinasabing galing ang biktima sa Poblacion pero pagdating sa Sta. Elena, New Buswang ay nabundol nito ang isang aso na biglang tumawid ng kalsada.

Nagkaroon ng matinding tama sa ulo ang biktama matapos maipit ang kanyang ulo ng motor.

Dinala pa ito sa Aklan Provincial Hospital bago inilipat sa Panay Healthcare Hospital pero hindi na ito nakaligtas.