Motorista sugatan matapos na sumemplang ang motor sa kahabaan ng Tigayon

SUGATAN ang isang motorista matapos na aksidenteng sumemplang ang kaniyang minamanehong motorsiklo sa Tigayon, Kalibo pasado alas-7 ng gabi nitong Huwebes.

Kinilala ang biktimang si Rubymar John Reforma, residente ng Linabuan Norte, Kalibo.

Ayon sa ulat, pauwi na umano si Reforma nang mangyari ang aksidente.

Nasa gilid umano ng kalsada si Reforma ng pumagitna ito sa may espaltadong daan at dumulas ang gulong ng kaniyang motorsiklo dahilan upang mawalan ito ng kontrol sa pagmamaneho.

Dahil dito nagtamo ng sugat si Reforma sa ibat-ibang bahagi ng katawan na agad namang nirespondehan ng napadaang MDRRMO Lezo at dinala sa Aklan Provincial Hospital.