Motorista sugatan matapos sumagi sa kasunod na pick-up

Sugatan ang isang motorista matapos na aksidenteng sumagi sa kasunod na pick-up sa Brgy. Bulwang, Numancia nitong gabi ng Lunes.

Napag-alaman na 28-anyos na residente ng  Banga ang motorista na nasa impluwensya ng nakalalasing na alak.

Batay sa impormasyon mula sa Numancia PNP, parehong patungo sa direksyon ng Kalibo ang dalawang behikulo kung saan aksidenteng sumagi ang motorista sa pick-up.

Dahil dito, tumilapon ang motorista at nagtamo ng sugat sa ulo na agad ding dinala ng MDRRMO sa Provincial Hospital.

Samantala, nagkaareglo naman ang mga sangkot ng nasabing aksidente.