MOTORISTANG LASING, BUMANGGA SA BARANDILYA

Isinugod sa ospital ang isang lasing na driver ng motor matapos bumangga sa barandilya bandang alas 5:00 ngayong hapon sa Tibiao, Altavas.

Nakilala ang biktimang si Arnaldo Toribio Jr., 30 anyos ng nasabing lugar.

Ayon sa ilang residente sa lugar, pauwi na ang biktima nang mahulog umano ang kanyang sombrero habang mabilis ang pagpapatakbo niya ng motorsiklo.

Hihintuan umano sana niya ito, subalit nawalan siya ng kontrol sa manibela at bumangga sa barandilya, dahilan ng tinamo niyang mga sugat sa katawan.

Rumesponde rin ang ilang may traysikel at motorsiklo doon, subalit tumangging sumakay ang biktima.

Tuluyan na rin siyang dinala sa ospital nang dumating ang mga taga Altavas PNP at MDRRMO Altavas, habang naiwan sa lugar ang kanyang motorsiklo.