Motoristang nakainom, patay matapos sumalpok sa isang puno

Dead on arrival sa ospital ang isang motorista matapos sumalpok ang minamanehong motorsiklo sa isang puno sa bahagi ng Bayside New Buswang, Kalibo madaling-araw nitong Lunes.

Napag-alaman na 32-anyos ang naturang motorista na residente ng Magdalena Village, Brgy. New Buswang, Kalibo.

Batay sa imbestigasyon ng Kalibo PNP, mula umano sa isang birthday party ng kapatid ang naturang biktima kaya ito nakainum.

Pauwi na sana ito nang sumalpok ang minamanehong motor sa isang palm tree sa lugar.

Sinasabing, walang nakapansin agad sa aksidente dahil maulan.

Nagtamo ng matinding tama sa ulo ang biktima dahilan ng kaniyang pagkamatay.

Samantala, wasak rin ang headlight ng kaniyang motorsiklo dahil sa naturang aksidente.