MOTORSIKLO AT TRAYSIKEL, NAGSALPUKAN, 3 SUGATAN

Kalibo-Tatlo ang sugatan matapos aksidenteng magsalpukan ang motorsiklo at traysikel sa Mabilo, Kalibo pasado alas 10:00 kagabi.

Nakilala ang mga biktimang sina Randy Encavo, 39 anyos na rider ng motorsiklo, residente ng Briones, Kalibo; Jim Isidro, 59 anyos na driver ng traysikel, at pasahero nitong si Senday Dela Cruz, 40 anyos ng Mabilo, Kalibo.

Base sa imbestigasyon ng Kalibo PNP Traffic Section, papunta noon sa national road ng Mabilo si Encavo nang mabangga ng traysikel, pagdating sa madilim na bahagi ng kalsada.

Resulta, nagtamo ng sugat sa katawan ang mga biktima na kaagad dinala sa ospital, kung saan nabatid na kaagad ding nakalabas ng ospital sina Isidro at Dela Cruz, habang confined pa doon si Encavo.