MOTORSIKLO BINANGGA ANG TOPDOWN, 2 SUGATAN

Balete – Dalawa ang sugatan matapos aksidenteng mabangga ng motorsiklo ang isang topdown alas 9:40 kagabi sa Sitio Bangbang, Calizo, Balete.

Nakilala ang mga biktimang sina Antonio Bacarro, 33 anyos, at Sonny Cea, 27 anyos, pawang residente ng Jumarap, Banga.

Base sa inisyal na imbestigasyon ng Balete PNP, galing sa Batan sina Bacarro at Cea, at dalawa pa nilang hindi na pinangalanang kasama nang maubusan umano sila ng gasolina.

Itinulak umano nila ang topdown pauwi, subalit aksidente namang nabangga ng nagmomotorsiklong si Gero Tolentino, 27 anyos ng Calizo, Balete.

Resulta, nagtamo ng pinsala sa katawan ang dalawang nabanggit na biktima, na kaagad ding dinala sa ospital kung saan naka confine si Cea.

Samantala, muli pa umanong maghaharap sa Balete PNP Station ang magkabilang panig para isa pinal ang kanilang pag-aareglo kaugnay ng nasabing insidente.