Motorsiklo sumalpok sa traysikel

Sugatan ang drayber ng motorsiklo matapos bumangga sa nakasalubong na traysikel alas 8 kagabi sa Palale, Banga.

Kinilala ang drayber ng motor na si John Arnold Remaldora, 21, ng Cupang, Banga.

Ayon sa imbestigasyon ng Banga Pnp, papuntang Poblacion, Banga ang direksyon ni Remaldora ngunit pagdating sa nasabing lugar ay sumalpok ito sa naka salubong na traysikel na minamaneho ni Romeo Colas, 53, ng Palale, Banga.

Dahil sa aksidente ay nagtamo ng sugat sa katawan si Remaldora at ngayon ay patuloy na ginagamot sa Aklan Provincial Hospital.

Habang si Colas ay nagtamo rin ng sugat sa kanyang katawan.