Motorsiklong naka-park, pinagdiskitahan

Pinagdiskitahan ng hindi pa nakikilalang indibidwal o mga indibidwal ang motorsiklong naka-park sa labas ng bahay sa bahagi ng Rizal St., Poblacion, Kalibo.

‎

‎Ayon sa may-ari na tumangging magpakilala, 30-anyos, bandang alas-6:14 ng umaga nitong lunes nila natuklasan ang insidente.

‎

‎Butas na ang seat cover at foam ng kanyang motorsiklo na tila nilaslas gamit ang matalas na bagay.

‎

‎Samantala, minabuti na lamang nitong ipa-rekord ang nangyari sa Kalibo Municipal Police station para sa kaukulang imbestigasyon.| ulat ni Arvin Rompe ‎