Motorsiklong tinakas ng buyer matapos i-test drive sa Pook, narekober sa Libacao

Natagpuan na nitong Biyernes sa bayan ng Libacao ang motorsiklong itinakas ng buyer nang i-test drive nitong Miyerkules sa Pook, Kalibo.

Batay sa report, nakaparada umano ang naturang motorsiklo sa bayan ng Libacao nang maispatan ng estudyante gayundin ng pulis at nakumpirmang ito ang motorsiklong pinaghahanap ng halos dalawang araw.

Matatandaang, ibebenta sana ng may-ari ang motor sa halagang P5,000 ngunit nang i-test driver ay dali-dali itong itinakas ng buyer.

Pansamantalang ikinustodiya sa Kalibo Municipal Police Station ang 17-anyos na gumamit ng motor na nakatakda ring iturn-over sa Municipal Social Welfare Office.

Dagdag pa rito, umamin rin ang menor de edad na iniuwi nito ang naturang motor sa Libacao nang hindi pa nababayaran.

Samantala, naka-impound naman ngayon ang motorsiklo dahil napag-alaman na wala rin itong kaukulang papeles.