Nakaparadang kotse, sinalpok ng SUV na minamaneho ng lasing

Sapul sa CCTV ang pagkakabangga ng isang SUV sa nakaparadang kotse alas 9:40 kagabi sa Crossing Buswang, Kalibo.

Nakilala ang driver ng SUV na si Arly Relator, 30 anyos ng Morales, Balete, habang naka rehistro naman kay Enrique Piad ng Altavas ang nakaparadang kotse.

Base sa report ng Kalibo PNP, naobserbahang nasa impluwensiya umano ng alak si Relator nang magmaneho ng SUV galing Roxas Avenue papuntang New Buswang.

Base naman sa kuha ng CCTV, makikitang sinalpok muna ng SUV ang nakaparadang kotse bago bumangga sa isang bakod.

Kaagad dinala sa ospital ang nasabing driver para isailalim sa medical check up, bago ikinostodiya sa Kalibo PNP Station para sa karampatang disposisyon.