Nakaparadang tricycle binangga ng pick-up, driver tumakas

Tinakbuhan ng pick-up driver ang nabangga nitong tricycle na nakaparada dakong alas-3:30 ng hapon, nitong Biyernes sa may Toting Reyes St. Kalibo.

Batay sa imbestigasyon ng Kalibo Pnp, habang nakaparada ang tricycle na pagmamay-ari ni Roderick Bulano, 45-anyos residente ng Bakhaw Sur, Kalibo ay bigla itong sinalpok ng pick-up na mula sa direksyon ng Kalibo Public Market at tinakbuhan lamang ito.

Dahil dito, nagtamo ng mga sira ang tricycle sa iba’t-ibang bahagi nito.

Sa ngayon ay nakarecord na ito sa Kalibo Pnp at iniimbestigahan na ng kapulisan.