Negosyante, patay matapos tambangan at pagbabarilin habang nakasakay sa motorsiklo

Patay ang isang negosyante matapos tambangan at pagbabarilin habang sakay ng motorsiklo sa Mercedes Village sa Brgy. New Buswang, Kalibo.

Kinilala ang biktimang si Ryan Gomez Relator, 44 anyos na residente ng Brgy. Poblacion, Banga.

Nagtamo ng multiple gunshot wounds sa iba’t-ibang parte ng katawan ang biktima.

Naka-Facebook live pa ang biktima habang pinagbabaril ng mga hindi pa natutukoy na suspek o mga suspek at maririnig pa dito ang pahingi nito ng tulong.

Agad namang nakapagresponde ang mga kapulisan dahil malapit lang ang lugar na pinangyarihan ng krimen sa Aklan Police Provincial Office.

Naisugod pa sa ospital ang biktima at naoperahan pero kalaunan ay binawian din ito ng buhay.