ONLINE SELLER NA MISIS, NAGPATIWAKAL-PATAY

Libacao – Dead on arrival na sa ospital ang isang misis matapos umanong magbigti-patay sa kanilang kubo sa isang barangay sa Libacao.

Ayon sa Libacao PNP, hinanap umano ng kanyang pamilya ang biktima dahil hindi pa umano ito umuuwi mula nang huli nila itong nakasama kahapon ng umaga.

Subali’t ikinadismaya ng pamilya nang makita ito ng kanyang pinsan sa loob ng kubo na nakabitay, rason na kaagad naman itong humingi ng saklolo hanggang sa matanggal ito sa pagkakabitay.

Wala namang nakitang foul play ang mga otoridad sa insidente, maliban sa kumbinsido naman ang pamilya ng biktima na kusa itong nagpatiwakal.

Samantala, sinasabing marami umano ang hindi nakabayad sa biktima sa kanyang pagiging online seller, na siya namang posibleng rason na na-‘stress’ ito at nagpakamatay.

𝗡𝗢𝗧𝗘:
Ang lahat ng problema ay may solusyon. Kung ikaw ay may problema at gusto mo ng kausap, tumawag lamang sa HOPE hotline ng DOH-Center for Health Development sa Western Visayas sa numero.
*1-800-10-333-8336
*0998-532-4047
*0917-775-9256
*0925-546-9919