Operation greyhound, isinagawa sa Aklan BJMP

Nagsagawa ng operation greyhound ang Kalibo PNP sa loob ng Bureau of Jail Management and Penology – Aklan District Jail – Male and Female Dorm, Brgy. Nalook, Kalibo nitong Linggo.

Ayon sa pulisya, alinsunod ito sa peace and security framework ni PNP Chief PGen. Rodolfo Azurin Jr na Malasakit, Kaayusan, Kapayapaan, at Kaunlaran, (MKK=K).

Hinalungkat ng mga kapulisan ang mga kagamitan ng mga Persons Deprived of Liberty (PDL) at kinapkapan ang mga ito.

Layon nito na masiguro na malinis ang bilangguan sa lahat ng uri ng kontrabando, partikular na ang iligal na droga o drug paraphernalia at mga deadly weapons.

Isinagawa ang operasyon sa pamumuno ni PMaj Jasson Belciña, hepe ng Kalibo PNP.