OPISINA NG NUMANCIA PNP, PORMAL NANG INILIPAT HABANG GINAGAWA ANG BAGO NILANG ISTASYON

Pormal nang inilipat ang opisina ng Numancia PNP, habang ginagawa ang bago nilang istasyon.

Matapos ang halos isang linggong paglilipat ng kanilang mga gamit, pinabendisyunan ng Numancia PNP ang temporaryo nilang opisina sa ikalawang palapag ng Numancia Public Market.

Sa pamamagitan ng Radyo Todo, kinumpirma naman ni PMajor Fidel Gentallan, Officer Incharge ng Numancia PNP, ang pormal nilang paglipat.

Ayon pa kay Gentallan, siniguro din umano nila ang suplay ng tubig at kuryente, maging linya ng telepono at internet sa nilipatan nilang opisina.

Nabatid na fully operational narin ang kanilang opisina, malawak, dahil pinagamit umano sa kanila ng munisipyo ang buong bakanteng second floor ng merkado.

Meron naring 2 selda, at tanggapan ang bawat section ng Numancia PNP, at nahanapan ng paraan ang pwesto para sa kanilang kusina, lutuan, barracks o lugar para sa mga police men at police women, maging ang mismong opisina ng hepe.

Kasalukuyan namang sinisimulan ang konstruksyon sa bago at standard na gusali ng Numancia PNP Station.