Ordinansa na nagbabawal sa iba’t-ibang obstruction sa kalsada sa Kalibo, isinusulong ni SB member Matt Guzman

Isinusulong ni Kalibo Sangguniang Bayan member Matt Aaron Guzman ang ordinansa na naglalayong magkaroon ng regulasyon at mahigpit na ipagbawal ang pagharang sa mga major at secondary road sa bayan ng Kalibo.

Ito ay sa pamamagitan ng kanyang Proposed Draft Ordinance No.025 o “An ordinance prohibiting and penalizing any person natural or judicial from causing obstruction/s on streets,sidewalks, avenues, alleys, parks and other similar public places in the Municipality of Kalibo.”

Sa panayam ng Radyo Todo kay Guzman, sinabi nito na nais niyang linisin ang mga major at secondary road sa Kalibo upang maayos itong magamit ng publiko.

Kasama sa mga ipagbabawal ang pagharang sa mga bangketa maging ang mga iligal na pagparada sa mga pampublikong kalsada na para lamang sana sa mga daanan ng tao.

Aminado ang konsehal na medyo mahirap ang implementasyon nito ngunit positibo siya na maisasakatuparan ito.

Saad pa ni Guzman, “Kasi ngani pag-SGLG naton hay isaea ron sa mga gina-usoy gid ag mabahoe man ro anang points karon it duyon nga ordinance para maka-support sa handum it anang nga national especially sa road clearing. Syempre may mga documents abi karon nga gina usoy nga abi mana ro inyong banwa ready sa makara, may supporting nga ordinansa ra or law nga maka-support para i-implement.”

“So gin-istoryahan ron namon ang isaea sa ginkasugtanan nga i-sueod duyon. Although nakikita ta eagi nakon… pag iya ta sa Poblacion, Andagao kung siin ro aton nga sentro hay kabudlay-budlay gid-a imaw i-implementar. Pero since gaagi man ra imaw it deliberation, kutan-on man naton karon ro aton nga enforecement ag siyempre kung mapirmahan ron may basbas man ron it aton nga executive. Now dikato naton makita kung paano do pag-implementar basta kung una eon ro aton nga ordinansa,” dagdag pa nito.