PAG-SHUTDOWN NG MGA POWER PLANTS, DAHILAN NG POWER INTERRUPTION – AKELCO

Kalibo, Aklan – IBINUNYAG ng Aklan Electric Cooperative o Akelco ang dahilan ng madalas na pagkawala ng kuryente nitong mga nakaraang araw sa ilang panig ng probinsya.

Sa kanilang official facebook page, humingi sila ng paumanhin at ipinaliwanag kung bakit nagkakaroon ng mga power interruption nagdadala ng malaking abala sa mga kunsumidor.

Apektado umano ang Aklan sa pag-shutdown ng tatlong unit ng mga power plants ng Panay Energy Development Corporation (PEDC) sa Iloilo.

Nag-shutdown rin ang isang planta ng Palm Concepcion Power Corporation (PCPC).

Ang PEDC at PCPC ay dalawa sa mga pangunahing pinagkukunan ng suplay ng kuryente ng AKELCO.