Pahinante patay sa pagsalpok ng sinasakyang truck sa isang wing van

Hindi na umabot pa ng buhay sa ospital ang isang pahinante makaraang sumalpok sa wing van ang kanyang sinasakyang truck sa Tabayon, Banga kaninang madaling araw.

Naipit ang biktimang si Joshua Merin, residente ng Guinbaliwan, New Washington sa harap ng truck katabi ng driver na si Arnel Nalangan, 46 anyos ng Pampango, Libacao.

Batay sa imbestigador, mula sa Iloilo papuntang Kalibo ang direksyon ng truck at ng kasunod na wing van.

Posible umanong nakaidlip ang driver ng truck kaya ito sumalpok sa wing van na minamaneho ni Joemar Tenorio, 33-anyos ng Monlaque, Ibajay.

Isinugod pa sa ospital ang biktima pero idineklara ring dead-on-arrival dahil sa malalang pinsalang tinamo mula sa aksidente.

Ikinustodiya naman si Nalangan sa Banga PNP Station para sa karampatang disposisyon.