PARI SA KALIBO CATHEDRAL, DINAPUAN NG COVID-19

Isang pari sa Cathedral Parish of St. John the Baptist, Kalibo ang nagpositibo sa COVID-19.

Batay sa public announcement ng Diocese of Kalibo, nagkaroon ng close contact sa isang COVID-19 positive si Rev. Fr. Arvic Jimenez nitong nakaraang Lunes, April 26, 2021.

Kusa siyang nag self-isolate saka inilipat sa COVID-19 facility ng Kalibo makalipas ang isang araw.

Sabado nang kuhaan si Fr. Jimenez ng swab specimen at lumabas na positibo ito sa COVID-19 kahit na siya ay asymptomatic.

Kinuhaan na rin ng swab test at nagnegatibo sa virus Fr. Jesse Pandongon na kanyang kasama sa Team Ministry ng Cathedral.