PATUTSADA NI KALIBO SB MEMBER RONALD MARTE KAUGNAY SA MGA RESOLUSYON AT ORDINANSA NA HINDI IPINATUPAD NI MAYOR LACHICA, PINABULAANAN NG ALKALDE

Mariing pinabulaanan ni Kalibo Mayor Emerson Lachica ang patutsada ni ex-officio member at Liga ng mga Barangay President Ronald Marte patungkol sa mga resolusyong ipinasa ng Sangguniang Bayan ngunit hindi niya ipanapatupad.

Sa panayam ng Radyo Todo, sinabi ng alkalde na hindi totoo ang sinasabi ni Marte na pinipili niya lamang ang mga resolusyong nais niyang ipatupad.

Ang katotohanan aniya’y lahat ng resolusyong ikabubuti para sa bayan ng Kalibo ay sinisikap niyang magkaroon ng implementasyon.

“…actually gina-implementar ta naton don para sa ikamayad para sa banwa natong Kalibo”, saad ng alkalde.

Marahil ayon kay Lachica na may mga resolusyon inihain ang sangguniang bayan na hindi niya naipatupad ngunit ito ay sa kadahilanang para sa kanya ay hindi angkop at nararapat.

Nauna na rito ay ipinahayag sa Radyo Todo ni Marte na maraming resolusyon umano ang ipinasa at aprubado ng sangguniang bayan ng Kalibo ngunit hindi lamang naipatupad dahil sa pinipili lamang ng lokal na punong ehekutibo.