PEKENG AHENTE NG PERYAHAN NG BAYAN, ARESTADO DAHIL SA ILEGAL NA PAGPAPATAYA

Arestado ang isang pekeng ahente ng Peryahan ng Bayan matapos umanong maaktuhan sa ilegal nitong pagpapataya sa Linayasan, Altavas.

Nakilala ang naarestong si Ricky Tulio, 47 anyos ng nasabing lugar.

Base sa report, inaresto ng mga taga CIDG Aklan ang suspek kung saan narekober ang 1 stab ng PCSO Peryahan ng Bayan, 1 kopya ng stab ng PCSO, ball pen at P220.00 na bet money.

Hinanapan umano ito ng ID na nagpapatunay sa kanyang kaugnayan sa Peryahan ng Bayan, subali’t wala umano itong maipakita rason ng kanyang pagkakaaresto.

Kaagad naman siyang ikinostodiya ng CIDG Aklan habang inihahanda ang kasong paglabag sa PD 1602 na isasampa laban sa kanya.