Pick-up, bumangga sa concrete barrier sa may Kalibo-Numancia bridge

Sumalpok ang isang Isuzu Dmax na SUV sa concrete barrier ng Kalibo-Numancia Bridge kaninang mga alas sais ng umaga.

Base sa imbestigasyon, galing sa Malay ang nasabing sasakyan at papunta sana sa ospital sa bayan ng Kalibo nang mangyari ang aksidente.

Inamin naman ng driver na naka-idlip siya habang nagmamaneho dahil wala itong maayos na tulog dahil sa pagbabantay ng may sakit nitong anak.

Kasama sa loob ng sasakyan ang asawa ng hindi na pinangalangang driver, anak nilang menor de edad, dalawang buwan na sanggol at dalawang iba pa.

Nayupi ang gulong at bumper sa unahan ng kaliwang bahagi ng sasakyan pero maswerte namang walang nasugatan sa aksidente.

Samantala, tumulong naman ang MDRRMO Numancia na dalhin ang may sakit nilang anak sa ospital.