Pick-up nasagi ng tricycle, kaliwang bahagi puno ng gasgas at yupi

Gasgas at yupi ang natamo ng isang pick-up matapos itong masagi ng tricycle sa may Roxas Ave. Poblacion, Kalibo kahapon, dakong ala-1:40 ng hapon.

Kinilala ang tricycle driver na si Joebert Delgado, 42-anyos residente ng Brgy. Mabilo, New Washington.

Base sa imbestigasyon, mula sa bayan ng Numancia ang nasabing pick-up na minamaneho ng 38-anyos na lalaking hindi na pinangalanan. Habang binabaybay nito ang kalsada sa Roxas Ave., Kalibo partikular sa may harap ng Metrobank ay aksidente itong nasagi ng isang tricycle na may dalawang pasahero.

Napag-alaman na nag u-turn umano ang nasabing tricycle at hindi nito napansin ang pick-up kaya aksidente niyang nasagi ang kaliwang bahagi nito na nagresulta ng ilang mga gasgas at yupi sa nasabing sasakyan.

Wala namang nasugatan sa nasabing aksidente.

Samantala, nagkasundo rin ang magkabilang-panig na personal nalang umano nilang pag-uusapan ang nangyari.