Pinakamalaking hardware sa isla ng Boracay, tinupok ng apoy

Tinupok ng sunog ang bodega ng MV Trading sa Sitio Cagban, Brgy. Manocmanoc, Boracay ngayong umaga.

Batay sa paunang impormasyon, nagsimula ang sunog mga dakong alas-9:00 ng umaga.

Mabilis na kumalat ang apoy at nagsiputukan ang ilang mga hazardous materials gaya ng mga spray paint at pintura na mula sa bodega.

Malaki umano ang naitulong ng firewall ng mga katabing establisyemento para hindi na lumawak ang sunog.

Wala namang naitalang nasugatan sa sunog.

Patuloy pa ang imbestigasyon ng mga awtoridad kaugnay sa kung ano ang pinagmulan ng apoy.